SUNOD-SUNOD na katok ang nagpabalik sa diwa ni Ysay. Kanina pa siya sa kanyang kuwarto at nakatanga habang nakaupo sa kanyang kama. Hindi rin siya pumasok sa farm kanina dahil baka mapaaway nanaman siya sa mga kliyenteng pupunta roon. Pinili nalang niyang manatili sa loob ng kanyang kuwarto kesa makipag-away sa mga kliyente kapag inatake siya ng topak. Ayaw niyang mawalan ng negosyo. Wala na nga siyang jowa, mawawalan pa siya ng negosyo. Abay hindi na maaari iyon.
Hindi niya pinansin ang kumakatok dahil alam niyang si Tintin lamang iyon. Guguluhin lang siya nito. At wala siya sa mood. Dire-diretso ang kumakatok sa labas ng bigla iyong bumukas. Siguro ay nagsawa na ang kapatid sa kakatok.
“Ate! Ano bang ginagawa mo? Akala ko kung ano ng nangyari sa iyo dahil hindi ka sumasagot!” mataas an
