ISANG buwan ang matuling lumipas….
Puno ng pagtataka si Ysay ng dalhin siya ni Miguel sa talon na madalas nilang puntahan. Papadilim na ang paligid nang magyaya ito. Nang tanungin niya kung bakit ganoon oras nito naisipang magpunta roon ay nagkibit-balikat lang ito. Anito ay gusto nitong subukang maligo sa talon at makita ang lugar sa ganoong oras. Kahit nagtataka ay pumayag siya.
Kalat na ang dilim ng marating nila ang daan papasok sa talon. Gamit ang nag-iisang flashlight na dala ni Miguel ay iyon ang nagsilbing ilaw nila para makarating sa lugar. Labis ang pag-aalay nito sa kanya hanggang sa marinig na nila ang malakas na lagaslas ng tubig. Kung sa ibang pagkakataon ay matatakot siya pero dahil kasama niya si Miguel ay hindi siya nakakaramdam ng takot. Bukod sa munting liwanag ng sina
