MULA nang bumalik si Heirman sa opisina niya at hindi roon naabutan si Jenna, uminit kaagad ang ulo niya.
Gusto niyang manuntok, pero sino naman ang susuntukin niya? Ang sarili niya? Wala namang ibang dapat sisihin kundi ang sarili niya.
Nakasandal siya sa likod ng swivel chair na kinauupuan at nag-iisip ng paraan kung paano susuyuin si Jenna, nang marinig niyang may kumatok sa pinto ng opisina niya.
Umayos siya ng upo.
"Pasok."
Bumukas ang pinto at pumasok doon si Dwayne, ang head ng Administrative Department.
Kumunot ang noo niya. Ano naman ang kailangan nito?
"Good morning, Sir." bati nito sa kanya.
Umasim ang mukha niya.
"Good morning din sa'yo. Anong kailangan mo?"
Lumapit ito sa mesa niya at may inilapag na isang puting papel sa ibabaw ng mesa.
"Jenna faxed this to me thir
