Celine's POV
"A-ano?" tanong ko na hindi makapaniwala dahil sa narinig ko mula kay Josh. Nakaupo ako sa isang bakanteng upuan habang nasa kama naman si Josh.
May pagkamatamlay na ang hitsura niya. Siguro ay napagod na ito sa kasasalita kanina habang kausap si Lorraine. Naging mahaba rin ang oras na hinayaan ko silang dalawa. Ngayong kami na lang ang magkasama at sa mga sinasabi niya ngayon, hindi ako makahuma. Parang may bikig na nakabara sa lalamunan ko.
"Ni minsan, hindi ko inisip na agawin ka mula kay Curt. Hindi nasa paligid mo lang ako, malapit na malapit sa'yo. Alam kong may mga pagkakataon akong makausap ka nang tayong dalawa lang habang nagpapanggap akong bodyguard, pero hindi ko ginawa," pagpapatuloy niya.
"Nakipagkasundo ka kay Warren. Bakit mo ginawa 'yun?" pag-iiba ko ng ta
