Chapter 29
Sapp's POV
Pagkatapos kong mag-perform ay dumiretso na ako rito sa loob ng main library namin. Gusto ko lang mapag-isa muna. Dahil malapit na ang Academy week ay kakaunti na lang ang nagpupunta rito. Kailangan nga namang mag-enjoy muna bago sumabak sa madugong pag-aaral. Balita ko, matatalino raw lahat ang mga teachers dito at talagang namimiga ng mga estudyante. Bigla akong nasindak.
Kumuha na lang ako ng isang libro sa bookshelve para naman may palusot na nandito ako. Nabibilang lang ang mga tao rito pero pinili ko pa ring maupo rito sa sulok. Binuklat ko 'tong libro at nagkukunwaring nagbabasa. Medyo nakakatanga lang. Pambata pala 'tong libro na nakuha ko.
"Be, puwede bang makiupo?"
Nag-angat ako ng mukha para makita 'yong nagsalita. Hindi ko siya kilala.
"Hi! Sure,"
