Determinado akong lumabas sa kuwarto pagkatapos kong ayusin ang backpack ko.
Buo na ang plano namin ng mga kaibigan ko. May rason na rin akong naiisip upang hindi mahalata ng mga tauhan ni Judas na kasama namin dito sa isla na hindi lang pamamasyal ang gagawin namin ni Sachi bukas kundi ang tuluyang pag-alis sa lugar na ito.
Akmang pupunta na ako pabalik sa master's bedroom nang mapasulyap ako sa daan patungo sa attic. Biglang sumagi sa isipan ko ang dating Physical Therapist ni Sachi na nakakulong ngayon doon. Biktima rin siya ni Judas, hindi ba? Bakit hindi na lang namin siya isama sa gagawin naming pagtakas? Ngunit paano ko gagawin iyon? Paano ko siya maitatakas kasama namin?
Napailing ako. Hindi. Hindi ko siya maisasama sa pag-alis namin ni Sachi rito. Lubhang mapanganib kung pip
