Kinakabahan. Hindi mapakali. Tila sinisilaban ang puwetan niya. Iyon ang pakiramdam ni Lalaine habang ginagawa ang sariling make-up sa mukha. Tinuruan na siya ni Anika noon at nanood siya s amga tutorials kaya kahit papaano ay alam niyang ayusan ang sarili.
Ilang oras na lamang ay ang Company Anniversary na nila. Ngunit pakiramdam niya ay hindi pa siya talaga handa. Hindi pa siya handang harapin ang mas malawak na mundo. Bilang isang asawa ni Adrian.
"Pinangarap mo ito, Laine. Natupad na..." paalala niya sa sarili. Sabihin man na isang marriage for convenience ang kasal nila ni Adrian. Kasal pa rin sila. Sa papel at sa mga mata ng maniniwala.
"Anak, ready ka na ba?" tanong ni Nanay Erna na dumungaw sa kanya sa may pinto.
"Magbibihis na lamang po ako, Nay," sagot niyang tumayo na. Uma
