Ginising si Adrian ng ilang beses na pag-ring ng telepono. Napabalikwas siya ng bangon nang maalalang wala siya sa kanyang sariling kuwarto at nasa ibang lugar. Sa ampunan.
"Ah!" reklamo niyang napasapo sa ulo dahil sa pagkakauntog. Hindi na siya bata pa para hindi maabot ng ulo ang isa pang kama sa itaas dahilan ng pagkakauntog niya. Hinimas niya ang nasaktang bahagi ng kanyang ulo habang patuloy pa rin sa pag-ring ang kanyang telepono.
Mula sa ilalim ng unan ay inabot niya iyon at sinagot.
"Hello?"
"Where are you?" anang boses. Sa tinig pa lang ay kilala na niya iyon. Si Attorney Sanchez.
"I..." Napahilot siya sa kanyang sentido. Nanuot ang matinding sakit sa kanyang ulo.
"Adrian, nakalimutan mo ba ang meeting ngayon?" anang Attorney na kababanaagan ng pagkayamot sa tono.
"s*
