Habang papunta sa hospital na pinagdalhan kay Allen ay minabuting tawagan na rin ni Adrian ang ama ng lalaki.
"Hello?" bungad sa kabilang linya. Mababanaag ang maawtoridad na boses nito.
"Mr. Valderama...si Adrian po ito," pakilala niya. Agad niyang naringgan ito ng malalim na buntong hininga. Na para bang hindi nito gusto ang pagtawag niya. Noon pa man ay ayaw na siya nito na maging kaibigan ng anak.
"What is it. I'm busy to entertain you..."
"Tumawag ako para ipaalam na nasa hospital ang anak ninyo," putol niya sa sinasabi ng matandang Valderama. "Salamat." Agad niya rin pinatay ang tawag dahil paniguradong siya ang sisisihin nito. Gaya ng dati.
Kapag nasangkot sa gulo si Allen ay sa kanya ang sisi sa ama nito. Na kesyo simula noong naging magkaibigan sila ay naging rebelde na ang
