"Nasaan ka, Adrian?" tanong ni Jeanne sa kanya. Nag-aalala na ang tinig nito ngayon. Paano ay natahimik na lamang siya bigla at hindi nagsalita. Pinakinggan niya lamang ang boses ng dalaga.
Napapikit si Adrian. Nagkamali siyang tawagan ito ngayon. Mali na kontakin niya ito. Maling hilain niya si Jeanne sa isang kontrobersiya. Hindi nararapat sa babae iyon. Kung si Allen ay poprotektahan si Lalaine. Gusto niya ring gawin iyon kay Jeanne. Hindi niya nagawang ipaglaban ito noon. Kaya kailangan niya itong protektahan ngayon.
"I'm at work," sabi niyang inayos ang pananalita at tono. "How are you?"
Buntong hininga ang naging sagot ng babae sa kanya. Kalaunan ay narinig na niya ang paghagulhol nito.
Mukhang matapang si Jeanne. Pero katulad niya, may mga kahinaan na itinatago ito sa iba. An
