Yakap ni Lalaine ang sarili habang nasa kotse. Hindi pa man siya nakalalayo sa kanilang bahay ay napatigil na siya sa gilid at muli, hindi niya mapigilang mapaiyak sa sama ng loob. Kung hindi lamang sana siya nangako kay Allen na dadalawin ito ay magmumukmok na lamang sana siya sa kanyang kuwarto. Kinunsensiya kasi siya ng lalaki at pinilit na lumabas ng bahay. Na para bang na sense nito na kinakailangan niya ng isang kaibigan.
Muli niyang pinahid ang mga luha sa pisngi. Namumula na ang ilong niya at siguradong mugto na ang kanyang mga mata. Mahahalata iyon panigurado ni Allen. Ayaw niyang umiyak pero, hindi naman niya mapigilan. Gaya ng pagmahahal niya kay Adrian. Hindi niya kayang tikisin ang sariling mahalin ito.
Huminga siya ng malalim. Hapon na at aya wniyang magtagal sa hospital ka
