Sa kanyang silid ay muling nilukuban ng matinding lungkot si Lalaine. Sa kanyang pag-iisa ay mabilis siyang tinatamaan ng kung ano-anong isipin. Tila lalong bumibigat ang mundong pasan niya habang tumatagal.
Para pagaanin ang loob ay napagpasyahan niyang maligo. Sa tuwina ay nakakatulong iyon sa kanya lalo na kapag nasa ilalim ang katawan niya sa tubig. Para kasing inaanod lahat ng agam-agam niya.
Papunta pa lamang sa banyo ay hinubad na niya ang kanyang mga damit. Nang makapasok ay tumambad ang kanyang hubad na katawan sa malaking salamin. Napatitig siya roon habang mabilis na dumausdos ang luha sa kanyang mga mata.
Muli, tila may bumubulong sa kanya. Mabilis niyang niyakap ang sarili. Ang mga palad ay sinapo ang kanyang tiyan. Napaupo siya at humagulgol ng iyak.
Wala na siyang gina
