Tila nagpapahiwatig ng kung ano si Nanay Erna. Sa bawat salita nito ay parang tinik na tumuturok sa puso ni Adrian. Naging nanay-nanayan niya ito simula noong dumating siya sa mansiyon. At habang nakikita niya itong nahihirapan ay parang bumibigat ang kalooban niya. Halata niyang may hindi tama sa ikinikilos ng matanda.
Tama nga si Adrian, dahil ilang araw lang ay nahalata niya ang pananamlay ng matanda.
"Nay, okay ka lang?" isang araw ay tanong niya rito. Maaga siyang nakauwi sa araw na iyon at ang matanda ay inabutan niyang nakaupo sa sala. Mukha kasi itong pagod at nanghihina.
"Naku, oo naman Adrian..." sabi nito pinilit ngumiti. "Kumain ka na ba?"Pinilit nitong tumayo ngunit muntikang mabuwal. Buti at nasa malapit siya at maagap na nahawakan ito.
"You're not okay , Nay," sabi n
