Tanghaling tapat at masyadong matingkad ang sikat ng araw kaya ang pagpunta sana sa rancho na plano ng magkakaibigan ay hindi natuloy. Excited pa naman sana si Regan na makita ang mga kabayo dahil narinig niya ang kwentuhan kanina ng magkakaibigan habang nanananghalian silang lahat sa gilid ng pool na nasa likurang bahagi ng mansion. Malawak iyon at mayroong malaking gazebo kung saan may halos ten seater dining table na yari sa narra at resin furniture. Sobrang aliwalas ng paligid at napakasariwa ng hangin. Masakit lang talaga sa balat ang sikat ng araw kaya nagpaliban na sila sa dapat na pupuntaha. Mas mainam daw kasi kung bukas ng umaga o hindi kaya naman ay mamayang hapon. Pero dahil mga busog na sila dahil sa dami ng pagkain na ipinahanda ng mag-asawang Olsen ay halos tinamad na rin an
