DALAWANG balikbayan boxes din ang napuno ni d**k. Hindi na niya kailangang magtanong pa dahil kaharap naman siya nang magsimula itong mag-empake doon.
Itinaas ni d**k ang mismong picture frame na pinagtalunan nila kanina. “Sa lahat ng picture namin, alam mo kung bakit ito ang naka-frame? Kuha ito noong kauna-unahan kong makapagsara ng sarili kong kontrata. It was a big break for me. I almost lost the deal, actually. But Vera Mae, she was there for me. He made me believe in myself. Siya ang nagpalakas ng loob ko.”
Tumango lang siya habang nakatingin sa loob ng kahon. Maliliit at malalaking bagay, na hindi niya akalaing may kinalaman kay Vera Mae ang laman niyon. Hindi kalabisang sabihin na sa condo na iyon, para palang kasama nila si Vera Mae. Ultimo hindi kumikibong unan ay inilagay ni
