KAILAN TAYO puwedeng magkita?
Naglapat ang mga labi ni d**k. Hindi na niya binasa uli ang text message na iyon ni Daisy at mabilis nang binura. Sinulyapan niya si Honey na kasalukuyang kinukuhanan ng blood pressure ng nurse.
“Normal naman ang BP ninyo, misis,” sabi ng nurse. “Pakihintay na lang si Doc. Nag-rounds lang iyon tapos pupunta na din dito.”
“Thanks,” sagot ni Honey. “Normal BP, iyong weight ko, okay din,” baling naman nito sa kanya.
“Good. We’ll go shopping after this, hon,” bulong niya dito.
“Shopping? Iyong mga regalo nung kasal natin, hindi pa nga natin naiaayos.”
Tama naman si Honey. Ang totoo, hindi pa nga din nila nabubuksan ang lahat ng regalo. Kalahati niyon ay nasa condo nila habang ang mga bulky gifts ay doon muna nila inilagak sa bahay ng mga magulang niya. S
