Hindi alam niDanica kung sasabihin niya sa Mama ni Ariel ang napag-usapan nila dati. Kahit siya ngayon ay naguguluhan kung ano ba dapat ang gawin. Naaawa din siya kay Ariel kung magpaganun man. Hindi niya kayang gawin nila iyon sa kanya. Ngunit ayaw din naman niyang balewalain ang pangako niya sa lalali.
Lumipas ang isang araw nila doon. Pinauwi muna niya ang ina ng nobyo at mga kapatid nito para makapagpahinga. Siya muna ang nagprisintang magbantay kay Ariel. Kahit na sinabihan silang brain dead na ito ay hindi pa rin nila magawang patanggal ang ventilator na nakakabit sa kanya. Para kasing pinapatay na nila ito. Hindi sila handang mawala ang lalaki.
Habang nag-iisa siya sa loob ng ICU ay hinawakan niya ang kamay ng nobyo. Hindi man siya sigurado kung nararamdaman nito ang paghawak niya
