Nasa loob na ng operating room sina Stan at Ariel. Hindi nila alam kung anong oras matatapos ang heart transplant na 'yun pero nasa waiting area ang buong pamilya ni Ariel at nandun din si Icy at ang mga magulang nito. Nagsisidasal na sana ay maging successful ang operation sa dalawa.
Hindi mapigil ang ina ni Ariel ang kanyang emosyon. Mula ng dalhin sila sa operating room ay hindi pa ito tumutigil sa pag-iyak. Ikaw ba naman kasi ang biglang mawalan ng anak. Linapitan siya ng ina ni Icy.
"Ako nga pala ang Mama ni Isabel. Maraming salamat sa isang napakalaking desisyon na ginawa ninyo at sa pagtulong sa nobyo ng anak. Alam ko na nagluluksa pa kayo ngayon, alam ko din na mahirap mawalan ng mahal sa buhay pero sa pagkawala ng mabuti ninyong anak ay ang pagbibigay buhay naman sa ibang tao.
