HINAWI ni Louisa ang kurtinang tumatakip sa salaming pader. Patuloy pa rin ang buhos ng ulan sa labas. Hindi na iyon kasing lakas ng kanina. Pero mukhang mahigpit pa ring pinagbabawalan ang mga guest na magpunta sa beach. Natatanaw kasi niyang walang katao-tao roon.
Tiyak na malungkot ang dalawang alaga niya. Excited pa naman ang mga ito kanina nang makita siya. Gusto raw siyang ipasyal at mag-water activities.
Napabuntong hininga si Louisa at naiiling na tinungo ang kama. Naghalungkat siya sa bag niyang nakapatong roon.
Pagkatapos kumain ng pananghalian nagpaalam siya sa magkapatid na nais niya munang magpahinga. Hindi naman tumanggi ang dalawa at inhinatid pa siya sa kaniyang silid.
Malamang sa villa ang tungo ng mga 'yon. Sana lang makinig sa kaniya si Andrei sa sinabi niyang huw
