Venus Sebastian
Hindi ko alam kung ano ang ire-react. Bigla ay parang naka-glue na ang paa ko sa sahig at hindi ko ma-ihakbang pa.
Nando’n pa rin ang tingin ni Ace sa kinauupuan ni Ate Amor, sa tingin ko ay kay Gavin na napako ang tingin niya. Ilang sandali ay nakita kong binaling niya ang tingin kay Georgia.
Parang nanunuyo ang lalamunan ko sa paulit ulit na paglunok ng laway. Bigla ay hindi na rin nakisama ang tuhod ko na parang nanlalambot dahil hindi ko ma-anticipate ang susunod na mangyayari. ‘Wag naman sana ang naiisip ko na gagawa siya ng gulo dito kaya labis ang kaba ko.
Por Dios santo. Ayoko ng gulo. Lalo na dito at may sakit ang ibang tao na narito na karamihan ay pasyente.
Parang namagneto na ang tingin ni Ace kay Georgia. Sa itsura ng kambal ay kahit hindi ko sabihin ay
