Venus Sebastian
Kulang na lang ay mabitawan ko ang cellphone ko sa narinig kay Ate Amor. Napahawak ako sa dibdib ko na parang naninikip na ngayon.
“Ate saang ospital kayo!?”
Pagksabi ni Ate Amor ng ospital ay napatayo ako. Doon sa ospital nila Jino dinala si Georgia. Hindi ko pa alam kung anong nangyari. Mas importante na makaalis ako ngayon at makapunta sa anak ko. Buti ay malapit lang ang ospital dito.
Agad kong kinuha ang bag ko at tumayo ako.
“Venus, may nangyari ba? Sinong nasa ospital?” Narinig kong nag-aalalang tanong ni MJ.
Napalakas na yata ang boses ko dahil narinig na nila ang sinabi ko.
Lumingon ako sa kanya. “K-kailangan kong umalis, MJ… Pasensya na!”
Hindi ko na napigilang tumulo ang luha ko kaya napatayo si MJ at biglang lumapit sa akin.
Hinimas niya ako sa lik
