“MARAMING salamat po talaga, Doc.”
Banayad na tinapik ni Sybilla ang balikat ng asawa ni Rodrigo, ang pasyente nila ni Mathias na may complete vascular ring. Hindi maubos-ubos ang pasasalamat ng babae kahit na hindi pa nakakaligtas sa tiyak na kapahamakan ang asawa nito. Tiningnan niya ang pasyente upang siguruhin ang kalagayan nito. Nakapagsasalita at nakakagalaw ang pasyente kaya matutuloy ang naka-schedule na ikalawa nitong operasyon mamayang hapon. They had to repair the defect to avoid more aneurysms from forming in the future.
“Walang anuman. Gusto kong sabihin na wala kang dapat ipag-alala sa magiging ikalawa niyang operasyon pero alam kong mag-aalala at mag-aalala ka pa rin. At major operasyon pa rin ang mangyayari. Maraming maaaring mangyari. Gagawin namin ang lahat ng aming mak
