"So, paano kayo naging magkaibigan ni Lyke?"
Si Jerlyn ang bumasag sa katahimikan naming apat sa harap ng aming pananghalian. As expected, Jaki brought out her charming smile.
"Naging best friends kami sa dati naming school. Kami iyong laging magkasama at iyong laging magkakampi. Pareho kasi kaming nerds noon." Tumawa pa siya habang nagkukuwento samantalang nanatili akong tahimik. Nakitawa sa kanya si Jerlyn samantalang tahimik si Pamela sa tabi ko na alam kong nakikiramdam lang.
"Actually, marami kaming pagkakapareho ni Lyke noon kaya nag-click kami," pagbibida pa ni Jaki.
"Pareho kaming walang hilig sa arts pero Fine Arts ang kinuha naming kurso. Pareho kaming mahiyain. Pareho kaming laging naba-bash dahil sa pagiging malapit namin sa magkapatid na Caballero. Alam n'yo ba, sabay-s
