“DITO nakatira si Rosaline?” tanong ni Hershelle nang huminto ang Ford Ecosport ni Jak sa tapat ng isang bahay sa San Lorenzo Village. Malaki ang dalawang palapag na bahay. Mula sa siwang ng steel gate ay makikita ang maluwang nitong bakuran na maganda ang pagkaka-landscape.
“Oo dito na siya nakatira mula noong ikinasal siya last year. Tara, mag-doorbell na tayo. Sana nandito siya ngayon kasi madalas siyang nasa ibang bansa,” wika ni Jak bago nito pinindot ang doorbell.
“So, madalas palang mag-out of town si Rosaline?” Sabagay, habang sinisilip ni Hershelle ang bahay na tinitirhan ngayon ng kaibigan ay naniniwala siyang kayang tustusan ng asawa nito ang luho ng kaibigan niya.
Ilang sandali pa ay may lumabas na kasambahay at sumilip sa siwang ng gate. “Good morning po, Sir Jak. Sandali l
