Kabanata 69: Sindikato
SA PAGKAKASUGAT palang sa mga biktima ay hindi iyon gawa ng isang aswang. Paanong sobrang linis ng hiwa no’n kung walang ginamit na matalim na bagay?
“Ano ang ibig mong sabihin Agent Denzel?” tanong ng kapitan.
“Hindi po aswang o mga maligno ang bumibiktima sainyo rito,” si Boyet ang nagsalita. Mukhang kaagad rin nitong nalaman nang makita ang mga larawan.
“Hindi mga aswang? Ngunit sino ang mga kumikitil at nangunguha ng lamang loob dito sa isla?” naguluhan ang kapitan.
“Isa lang po ang masisiguro namin. Hindi aswang ang gumagawa nito. Malakas ang kutob ko na isa itong illegal organ processing.”
“Kapitan!” May biglang tumawag sa labas ng bahay. Malakas iyon kaya medyo nataranta ang kapitan sa loob.
“Baka may patay na naman,” ani nito at nagmamadaling lumabas.
