"IF that's your decision, sino kami para pigilan ka?" sambit ni Daddy habang magkakaharap kaming tatlo nila Mommy dito sa living room.
Malalim akong nagbuntong hininga. "Wala ba kayong violent reaction? Hindi nyo man lang ba ako pipigilan sa plano ko?"
Parehong umiling ang mga magulang ko dahilan para kumunot ang noo ko sa pagkagulo at pagtataka. Nang makita ni Mommy ang ganoong reaksiyon ko ay napailing siya.
"To be honest, hindi ako sang-ayon sa desiyon mo," usal niya at bumuntong hininga. "Pero naiintindihan ko ang ipinupunto mo, Laurent. Kaya kahit hindi ako sang-ayon, hahayaan kita sa desisyon mo."
"Matanda ka na, Laurent. Alam mo na kung ano ang tama at mali. Alam mo na rin kung ano ang magiging mabuti o masama para sa inyo ng anak mo," dagdag ni Daddy. "Kung tutuusin, kaya mo na
