HINDI mapigilan ni Shania ang pagtulo ng mga luha habang nakaakbay si Xander sa kaniya at papuntang sasakyan nito sa labas ng bahay. Ngayon na ang araw ng pag-alis ni Xander patungong Australia at ngayon ang unang pagkakalayo nilang mag-asawa. Hindi mapigilan ni Shania na maging emosyonal dahil malalayo ito at ilang araw o baka linggo pa, na hindi niya ito makakasama.
“Mag-iingat ka lagi doon, ha. Huwag kang kung saan-saan nagpupunta at huwag ka ring magpapagutom,” bilin niya kay Xander habang tumutulo ang mga luha sa mga mata.
Napangiti naman si Xander pero may lungkot din ang mga mata nito.
“Lagi kitang tatawagan at lahat ng bilin mo ay susundin ko para hindi ka mag-alala sa akin,” tugon ni Xander saka hinalikan siya sa labi at niyakap. “Mami-miss kita,” anito.
“Ako rin,” amin niya.
