ALA-UNA ng tanghali nagbiyahe sina Xander at Shania patungong Cavite. Sa mga magulang na ni Shania sila dumiretso dahil alas-otso naman ng gabi mag-uumpisa ang reunion party ni Shania at sa mismong campus na pinag-aralan ng asawa niya gaganapin ang party. Kagaya ng nakasanayan ay masaya silang sinalubong ng pamilya ng asawa at hindi na nakasama pa ni Xander si Shania dahil hindi na mahilaway ito sa kapatid na si Shara at mukhang maraming pinagkuwentuhan.
“Mabuti at sumama ka papunta rito, iho,” nakangiting sabi kay Xander ng Papa ni Shania.
Nasa sala sila ngayon at may hinandang meryenda at juice ang Mama ni Shania habang nag-uusap sila ni Papa.
“Sabi naman po kasi ni Shania, ay pwedeng magsama ng partner sa reunion party kaya inimbitahan na rin po niya ako,” tugon niya.
“Kumusta nama
