PAGLABAS ni Vera Mae ng Sagada Doctor’s Hospital, nakita niya ang pick up niya na nakaparada at bukas ang pinto sa driver’s side. Si Brian ang nakasakay doon.
“Excuse me, mister.”
“Brian Tiongson po, pag-utusan ninyo,” tila nakakalokong yumukod ito sa kanya.
“Gusto mo batukan kita? Bakit dala-dala mo itong sasakyan ko dito?”
“Bayolente. Miss Vera Mae Banal, hindi ba’t ako ang driver mo? Nagtataka nga ako kung bakit ka umalis na naglalakad, eh. Pwede naman na may sasakyan. Aanhin ang sasakyan kundi sasakyan?”
“Hoy, hindi kita driver, ha. Naglakad ako papunta dito dahil gusto ko. Saka wala ka bang ibang lakad? Akala ko ba ihahatid mo lang ako? Bakit hindi ka pa bumalik sa Baguio?”
“Kinausap ako ni Lolo Alfonso. Dito lang daw muna ako kung maaari. Siyempre basta si Lolo Alfonso ang nag-
