Mistulang abandunadong pagmasdan ang dormitoryo sa gitna ng gabi. Walang ano mang liwanag na nagmumula sa mga bintana maliban sa bintanang nasa bulwagan. Tahimik siyang naglakad sa damuhan patungo sa malaking pinto. Nakuha niya lang lumingon sa kaniyang likuran nang akyatin niya ang mataas na hagdanan hanggang sa nakarating siya sa harapan ng pinto. Sinubukan niyang itulak ang pinto ngunit hindi gumagalaw dahil sa pagkakandado niyon sa loob. Hindi naman siya puwedeng sumigaw para lang pagbuksan siya. Dahil nga sa humalili saglit ang gurong si Elle nagbago rin ang patakaran. Maaga pa ay sinara na ang bintana't mga pinto. Pakiwari niya ay sinadya iyon ng guro sapagkat alam nitong nasa labas pa siya.
Umalis na lamang siya sa harapan ng pinto't naglakad patungo sa gilid ng dormitoryo. Tumigil
