Maingay ang mga mag-aaral nang makabalik si Gresyon kasama si Odeo sa tagpuan. Sa sabay-sabay na pag-uusap ng bawat isa nagtutunog bubuyog na ang mga ito. Napalingon ang ilan sa kanila nang tumayo silang dalawa ng binatang prinsipe sa tabi ng natumbang puno. Hindi pa nakakabalik roon ang grupo nina Han nang hanapin niya ang mga ito.
Pakiwari niya ay mayroong nangyari habang wala sila roon. Nilingon niya si Odeo na ilang hakbang lang ang layo sa kaniyang kinatatayuan.
"Ano kayang nangyari? Tingnan mo ang lahat. Kakaiba ang kinikilos," ang nasabi niya sa binatang prinsipe.
Sinalubong ni Odeo ang kaniyang tingin. "Magtanong ka sa kanila kung ano ang nangyari kung gusto mo talagang malaman," banat nito pabalik sa kaniya.
"Huwag na. Wala namanG sasagot sa magiging katanungan ko. Alam mo n
