Naglaro sa kanilang mga suot ang hangin sa kanilang pagkahulog paibaba ng tubig na siya ring pagbabago ng anyo ng ahas matapos nitong umalis sa kaniyang damit na pang-itaas. Napapatitig na lamang ang babae sa makamandag na hayop sa nangyayari sa katawan nito. Mabilis na lumaki ang pahabang katawan ng ahas hanggang sa naging doble ang sukat ng ulo nito sa katawan niya.
Naunang bumagsak ang ahas sa tubig una ang malaking ulo nito na siyang nagpatalsik nang malakas sa tubig. Sumunod sila ng babae sa pinakagitna ng umikot na katawan ng makamandag na ahas.
Sa taas ng kanilang tinalunan ng babae, lumubog nang malalim ang kanilang mga katawan sa ilalim ng tubig. Pinagmasdan niya ang babae matapos niya itong mabitiwan sa liwanag ng buwan na umaabot sa kanila. Hindi naman napano si Nalia na ma
