Magbubukang-liwayway na nang makarating sila sa isang bayan malapit sa paanan ng bundok katabi ng dagat. Hindi na rin sila nasundan ng mga kanilang kaaway kung kaya nga ay pinagpalagay niya na nang sandaling iyon na nasunog ang lalaking nakamaskara. Hindi ito napapaikutan ng ano mang pader na kalimitang panglaban sa mga halimaw.
Pumasok sila ng bayan kalapit ng huling pantalan kung saan abala ang mga tao sa pag-aangkat kahit maaga pa lamang. Karamihan sa mga barko ay nakadaong pa rin. Ngunit mayroon din namang iilang barkong nagsilayag na sa kalangitan patungo sa distinasyon ng mga ito. Natatakpan ng mga barkong naglalayag ang sinag ng papasikat na araw sa likuran ng kabundukan..
"Nakakapanibago naman ang bayan na ito. Wala man lang pader," komento niya para sa bayan.
"Hindi kailangan
