Chapter 23
Ravena
Lumapag ang eroplano na sinasakyan ko bandang alas-dies ng umaga sa Pilipinas. Paglabas ko sa airport sumakay ako sa taxi at nagpahatid sa apartment na inuupahan ni Mandy, subalit pagdating ko roon sarado ang apartment ni Mandy.
"Mandy?'' tawag ko pa rito.
Ilang sandali pa ang lumipas may lumabas na isang matanda sa apartment na inuupahan ni Mandy.
"Magandang tanghali po,'' nakangiti kong sabi rito.
"Magandang tanghali rin, iha. Sino po ang hinahanap ninyo?'' tanong ng matandang babae sa akin.
"'Yong nakatira po sa apartment na ito dati si Mandy?'' sagot ko sa matanda.
"Pasensya na Iha, pero hindi ko kilala ang hinahanap mo,'' sabi pa nito sa akin.
Para akong nanghina nang malaman ko na iba na ang nakatira sa apartment na ito.
"Bago lang po ba kayo rito?'' tan
