One shot |compilation

"Hindi ako marunong lumangoy." Kanda utal kong saad nang matanaw ko ang isang swimming pool. Ramdam ko ang pangangatog ng aking mga binti habang silang lahat ay humahagikgik na para bang demonyo. "Ang kj naman ni Angel!" Sigaw ng kaklase ko habang hawak ang isang bote ng alak. Nagkayayaan kasi dahil ga-graduate na kami pero hindi ko inaasahan na ganito pala ang mangyayari. "Sige na Angel! Masaya 'to!" Pag-aanyaya pa sakin ng isa ko pang kaklase na si James habang papatalon sa swimming pool kaya nagsitalon narin ang iba pa. "Pasensiya na pero hindi talaga ako marunong lumangoy." Malungkot na saad ko habang naglalakad papalayo sa may swimming pool pero agad akong nagulat nang may humawak sa aking balikat. "Girl kalma! Hindi naman kami nangangagat." Pabirong saad ni Ayesha kaya pilit na lamang akong ngumiti rito. Gusto kong umuwi na lamang pero ayaw nila akong pauwiin hanggang sa painumin nila ako ng alak pero agad akong nagtaka nang may ihalo silang kung ano pero hindi ko na sila natanong pa dahil hinang-hina narin ang katawan ko at malabo na ang lahat ng nakikita ko. Ganito siguro ang epekto ng alak sa isang tao. "Dude! Samahan mo naman si Angel na magswimming"Sigaw ng kung sino pero hindi ko na nagawang manlaban pa ng buhatin ako ng kung sino at itulak sa may swimming pool. "T-tulong!" Kanda utal kong sigaw pero nakita ko lamang silang pinapanood ako sa isang sulok habang naririnig ang kanilang mga halaklak. "Parang awa niyo na!" Hinang-hina na ang katawan ko pero pinilit ko paring iangat ang aking ulo upang hindi makainom ng tubig pero hindi korin kinaya kaya tuluyan ng lumubog ang aking katawan sa tubig pero wala paring nais na sumasagip sa akin. "Akala ko namamatay na ako." Maluha-luhang saad ko habang ikinikwento ang bangungot na nangyari sa akin. Sa una ay hindi pa ito naniniwala sa akin pero sa bandang huli ay naniwala rin naman siya sa akin. "Pero anong balak mong gawin?" Tanong niya sa akin kaya bigla na lang akong napangisi. "Ang maghiganti sa kanila." Seryosong saad ko. Agad naman akong napatingin sa kaniya at nahuli ko itong nakatitig sa akin kaya napaiwas ito ng tingin. "Paano kung sabihin ko na isa ako sa kanila.? Tanong niya habang nakatingin sa sahig. Agad ko namang nakita ang sunod-sunod na pagpatak ng kaniyang luha pero naguguluhan parin ako sa kaniyang mga sinasabi. "Hindi kita maintindihan." Sigaw ko dahil sa kalituhan. Pilit ko siyang hinarap pero umiiwas parin siya ng tingin sa akin. "Sorry Angel." Maluha-luhang saad habang niyayakap ako ng mahigpit. Gusto ko siyang saktan pero hinang-hina na ang buo kong katawan. Hindi ko parin maintindihan kung bakit nila ito ginagawa sa akin. Muntik na akong mamatay sa kalokohan nila. Parang hindi ko kayang patawarin ang lalaking ito kaya pumikit na lamang ako habang iniipon ang aking lakas. Nanginginig man ay mahigpit kong hinawakan ang isang kutsilyo at agad kong inundayan ng saksak ang lalaking yumakap sa akin.