Naglakad kami ni Miguel patungo sa harap ng munisipyo at doon kami nag-abang ng jeep pabalik sa LSPU. Mabilis rin naman kaming nakasakay dahil hindi kagaya kanina ay hindi na punuan ang mga jeep. Dumukot ako ng pamasahe sa bulsa at inabot kay Miguel. Imbis na kuhain ay tinitigan niya lamang ang nakalahad kong kamay. Nagpakawala siya ng isang mahinang tawa bago umiling sa akin.
“Huwag na, ililibre na kita. Baka maghirap ka, eh,” pagyayabang niya kaya napasimangot ako.
“Ang yabang mo!”
Tumawa siyang muli at kinindatan ako. Tss, galawang pa-fall.
Tahimik ko siyang pinagmamasdan habang inaabot sa driver ang bayad naming dalawa. Hindi rin nakaligtas sa mga mata ko ang pagkindat niya roon sa katapat niyang babae na lantarang nakatitig ng malagkit sa kaniya at halos mangisay na sa kilig.
Dis
