Kahit kailan ay hindi ko pa naranasan iyong ganitong klaseng pakiramdam. Aminado akong nagugustuhan ko si Miguel pero ang hindi ko maamin ay kung higit na ba ro’n ang nararamdaman ko sa kaniya ngayon?
Dahil ang totoo? Natatakot ako. Si Miguel 'yon, eh. Mulat ang mga mata ko noong mga panahong paiba-iba siya ng babae. Para siyang isang jeep na hindi mabakante, na kapag may bumabang pasahero ay may panibago na namang papalit sa pwesto.
Samantalang ako naman iyong tipo ng tao na nangangarap na kung sino ang una kong mamahalin ay siya na rin sana ang huli.
Gusto kong maging maingat sa pagpili ng taong mamahalin ko kasi kapag nagkataon, hindi lang puso ang masisira kundi lahat lahat sa akin.
But I’m aware that deep down inside me, I am starting to fall in love with that guy. Truly. Maddly.
