Si Louise na ang nag-drive ng sasakyan papunta sa sa clinic. Uminom naman siya ng tubig upang mawala ang kabang nararamdaman. Nanlalamig ang mga kamay niya at tingin niya ay pinagpapawisan din siya ng malamig. Hindi naman iyon dahil sa lamig ng aircon ng kotse ngunit dahil sa napipintong pangyayari mamaya sa clinic.
"Nandito na yata tayo," sabay pa silang sumilip sa labas ng kotse upang kumpirmahin na iyon na nga ang clinic. "Eto na nga," ipinarada nito ang sasakyan. "Buti wala pang masyadong naka-park."
"Tama lang na maaga tayo para makapag-palista agad," nauna na siyang bumaba ng kotse. Iginalaw-galaw niya ang mga braso at nag-jog in place upang mawala ang kabang nararamdaman.
"What are you doing?" Takang tanong sa kanya ni Louise.
"Nangalay lang ako," pagdadahilan niya. Hu
