"Hindi! Hindi iyan totoo! Hindi!" Humihingal na napabalikwas ako ng bangon. Pinagpapawisan din ako nang todo. Hindi naman mainit ang panahon pero grabe ang pawis ko. Ang lakas din ng kabog ng aking dibdib at nahihirapan akong huminga. Panay rin ang tulo ng aking luha. Balisang-balisa ako.
Masamang panaginip. Parang totoo. Bakit ganoon ang panaginip ko? Totoo kaya iyon?
"Anong nangyari sa'yo?" nag-aalalang tanong ni Nikki sa akin na walang katok-katok na bigla na lang binuksan ang pinto ng aking kuwarto. Nagmamadali siyang lumapit sa akin at agad na hinagod ang aking likod upang kalmahin ako. "Rinig na rinig ko ang sigaw mo sa kabilang kuwarto."
"Nanaginip kasi ako," umiiyak na sabi ko. Humihikbi-hikbi pa ako.
"Anong panaginip?" tanong pa niya.
"Sobrang samà. Tungkol kay Aeron."
"Anon
