"At bakit hindi ka uuwi?" tanong sa akin ni Nikki. Nasa kabilang linya siya dahil tinawagan ko siya para ipaalam na hindi muna ako uuwi.
"Nag-request kasi si Dan na sabay kaming papasok mamaya at dito na ako manggagaling bago pumasok sa company," paliwanag ko pa. Nakatingin ako kay Dan habang nakikipag-usap kay Nikki sa celphone.
"Puwede naman kayong magsabay kahit hindi ka diyan matulog a," sabi pa ni Nikki.
"Oo nga pero kasi naka-oo na ako."
"Hay ewan ko sa'yo. Hindi ka rin naman magpapapigil kahit tumanggi ako. Bahala ka na sa buhay mo."
Bago man ako makapagsalita ay binabaan na niya ako ng celphone. Mukhang galit na naman yata siya. Napabuntong hininga na lamang ako.
"Ano? Pinayagan ka?" tanong ni Dan sa akin.
Kumibit balikat lang ako saka ipinasok sa loob ng bag ang aking cellp
