Nakatingin kaming lahat kay Nikki. Naghihintay kami ng kanyang sasabihin. Nakakagulat naman kasing siya lang ang tumutol.
"T-tutol ako dahil... dahil..." Ang tagal niyang nag-isip ng susunod na sasabihin kaya nakakunot na ang noo ko.
Dahil ba mahal mo ako Nikki at ayaw mo akong mapunta sa iba? Hay naku Allena, nag-a-assume ka na naman.
"Dahil ano?" tanong ko. Gusto kong marinig mula sa bibig niya ang sagot na iniisip ko.
"D-dahil hindi puwedeng ma-inlove ka na naman. Nagiging marupok ka kaya. Atsaka sumasakit ang ulo ko sa love life mo. Buti sana kung hindi ako nadadamay. Lagi na lang akong involve at isa pa, baka nakakalimutan mo na hindi pa solve ang problema mo kay Dan." Nakapamewang pa siya habang nagsasalita.
Buti pinaalala niya. Oo nga pala, kakaplano pa lang namin ng gagawin n
