ANG panonood sa binatilyong tino-torture na yata ang pinaka mahabang oras na naranasan ni Erik sa buong buhay niya.
Matapos na gamitan ng nail gun ng mag-asawa ang binatilyo ay inalis ng mga ito ang pagkakadena ng dalawang paa nito. Ibinaba ng dalawa ang ibabang bahagi ng katawan ng binatilyo sa operating table. Kaya ang puwesto na ng binatilyo ay nakatuwad ito at halos mapilipit na ang mga braso dahil naka-kadena pa rin ang mga kamay nito. Nakaharap ito sa kanila ni Mando. Nakatingin ito sa kanila at kung tama siya ng pagkakakita ay may galit sa mga mata ang binatilyo. Humihikbi na lang ito. Naghalo na ang luha, pawis, uhog at kaunting dugo sa mukha. Tila napagod na ito sa kakasigaw o baka wala na talaga itong kakayahang manlaban pa matapos barilin ng pako ang mga tenga at talamp
