Hindi alam ni Mike kung saan siya liliko habang binabagtas ang daan palabas sa bahay na kinaroroonan ni Mrs. Lily ngayon. Teritoryo pala ito ni Mrs. Lily at muntik na siyang mapahamak. Nakuha nito si Jerron, gusto man niya itong tulungan ay wala rin siyang magawa dahil baka pati siya ay mapatay din ni Mrs. Lily. Malakas ang kalabog ng dibdib niya at tila may mga kabayong naghahabulan doon ngayon. Hindi niya akalain na bigla na lamang itong susugod sa kanila kanina nang hindi nila namamalayan. Bukod pa doon ay napatay na rin pala ni Mrs. Lily ang pinsan niyang si Trinity. Nasaktan siya sa nakita niya kaninang pugot na ulo nito. Tila isang laruan lamang iyon kay Mrs. Lily kanina. Sagad talaga sa buto ang kasamaan nito at hindi niya masikmura kung paano nito nakakaya na gawin ang lahat ng iyo
