*SELENA's POV*
Nalulungkot ako habang tinitingnan si Mico. Patay na ang Mama nito, napakabata pa niya para pagdaanan ang mga ganitong klase ng sitwasyon. Wala siyang kamuwang-muwang sa mundo pero nadadamay siya.
"Ayos ka lang?" tanong sa akin ni Lucas nang mapansin niya na kanina ko pa pinagmamasdan si Mico.
"Nalulungkot lang ako para kay Mico, napakabata pa niya Lucas para pagdaanan ang ganitong klase ng sitwasyon," sagot ko. Napatango naman si Lucas sa akin. Alam kong nauunawaan niya kung ano man ang nararamdaman ko, nababasa ko rin sa mga mata niya na nalulungkot siya para sa bata. Halos lahat naman siguro kami ay pare-pareho ng nararamdaman.
"Hindi bale, matatapos rin ang lahat ng ito. Naniniwala ako na malalagpasan din natin ito," pagpapalakas-loob ni Lucas sa akin. Tumingin ako k
