MALALIM ang buntong hiningang pinakawalan ko nang makalabas ako ng hospital room ni Mama. Katatapos ko lang pakainin ito na ilang beses ko pang pinilit bago sumunod. Sa totoo lang ay hirap na hirap na ako sa sitwasyon ko.
Maglalakad na sana ako paalis sa harapan ng kwarto ni Mama nang mapatigil ako nang makita ko sa harapan ko ang ama ko. Malaki ang pagbabago sa kanya magmula nang magkagulo ang pamilya namin. Kapansin-pansin ang pagpayat niya at ang nangingitim niyang mga mata. Gaya ni Mama ay madalas din ang paglalasing niya these past few weeks.
"How is she?" tanong ni Papa at malamang ay ang tinutukoy si Mama.
"I don't know," buntong hiningang usal ko.
"How about Belle?"
Mariin akong pumikit sa pamomoblema at umiling. "She's still in the Philippines right now. Humingi na rin ako n
