MALAWAK ang ngiting ibinungad sa akin ni Celine nang pagbuksan niya ako ng pintuan ng condo niya, pero nang makita niya ang lalaking nasa tabi ko ay nangunot ang noo niya at bumakas ang pagtataka sa mukha.
“Chaos?” tawag ni Celine kay Chaos at muling nalipat sa akin ang tingin. “Bakit kayo magkasama? Teka, anong meron?” tanong niya at bumaba ang tingin sa magkahawak naming kamay ni Chaos.
Matamis akong ngumiti sa kaibigan. “Celine, meet my boyfriend. He’s Chaos Montealegre.”
Umawang ang bibig niya sa gulat dahil sa sinabi ko. Nanlalaki ang mga mata niyang nag-angat ng tingin sa akin at kay Chaos.
“What?” she uttered.
“Hindi mo ba kami papapasukin?” tanong ko nang nakangiti pa rin. Sigurado akong maraming katanungan na ang tumatakbo ngayon sa isipan niya. Nakikita ko iyon sa mga mata
