NAGBUKAS ang pintuan ng kwarto ko at iniluwa nito si Daddy. Habang naglalakad papasok ng kwarto ko si Daddy ay nakatuon ang tingin ko sa likuran niya, hinihintay kung may isa pang lalaki ang papasok, pero nabigo ako nang walang Chaos ang pumasok sa kwarto ko.
Lumapit sa akin si Daddy habang nasa kabilang gilid ko naman si Mommy, nakaupo sa kaninang kinauupuan ni Chaos.
“Daddy, where’s Chaos?” bungad ko kay Daddy. “Please, tell me. Wala ka naman siguro ginawang masama sa kanya, ‘di ba?”
Tumitig lang siya sa akin sa sinabi ko.
“Daddy, walang kasalanan si Chaos sa nangyari sa akin. Ako ‘yong bigla na lang tumawid kaya nabangga ako,” paliwanag ko.
He let out a heavy sigh. “You really love him, huh?”
Natutop ko ang dila ko dahil sa sinabi ni Daddy. Mariin kong kinagat ang ibabang labi ko
