“MA!” Kinalampag ni Jewel ang dahon ng pinto. “Please, ‘wag mong gawin sa ‘kin ito. Palabasin mo ako, Ma!”
“Iyan ang nararapat sa iyo!” mula sa labas ng basement, narinig niyang sumigaw si Mama Sonia. “Mula sa araw na ito, hindi ka na makakaalis diyan!”
Matapos i-lock ni Sonia ang pinto ng basement, umalis ito na may ngiti sa labi. Naiwan si Jewel sa loob ng basement na walang tigil na umiiyak habang hinihimas ang nananakit na tiyan.
Samantala, hinintay lang ni Clyde si Mrs. Buenavista na pumanhik sa ikalawang palapag ng bahay, saka ito lumabas sa pinagtataguan. Kinuha nito ang bungkos ng mga susi na itinago ng babae sa loob ng vase.
Tumigil sa pag-iyak si Jewel nang makitang gumalaw ang seradura ng pinto. Mabilis niyang kinuha ang monoblock chair. Dahan-dahang bumukas ang pinto. Iniha
