“Hindi ako papayag na makipaghiwalay ka kay RJ Allegre and that’s an order.”
Hindi nakapagsalita si Amarah at napatungo na lamang dahil sa narinig. Katahimikan ang sumunod na namayani sa loob ng sasakyan at ang tanging naririnig lamang ay ang pagbuntong hininga nila.
Hindi maintindihan ni Amarah kung bakit mas kinakampihan pa ng ina ang mga Allegre kaysa sa kanya. Hindi niya maintindihan kung bakit hindi man lang magawa nitong i-consider ang nararamdaman niya. Ano bang mayroon sa kanya at bakit hindi siya nito magawang mahalin gaya ng pagmamahal nito kay Amirah.
Naramdaman ni Amarah ang paghinto ng sasakyan dahil sa traffic light. Dahan-dahan na nag-angat siya ng tingin at kahit nanlalabo ito ay seryoso niya na tinignan ang ina.
“I’m your daughter and I’m hurting. Hindi
