“Kaya ko na ang sarili ko, Jaguar.”
Tiningnan ko ang orasan. Pasado ala una na ng tanghali at nakakain na rin kami ng tanghalian. Binantayan ko siya sa abot ng aking makakaya habang nagpapahinga. Sa sofa naman siya nakahiga kaya namo-monitor ko kung kung ano ang kaniyang kalagayan.
Tumayo ako at naglakad patungo sa kaniya. Kinapa ko ang kanyang noo at medyo humupa na ang init kung ikukumpara sa temperatura niya kanina.
“Sure ka? Baka mamaya—”
“Naranasan ko na ‘to noon kaya alam ko kung paano ko aalagaan ang sarili ko.”
Tinutop ko ang bibig ko at saglit siyang tinitigan. Medyo napapapikit siya dahil talagang hinihila ng antok. Inayos ko ang kumot na nakatakip sa kaniyang dibdib, ganoon din ng unan na hindi maayos ang posisyon.
“Basta tawagan mo ako kung lalong sumama ang pakiramdam mo
